ऊर्जामन्त्री खड्का भन्छन् – प्राधिकरणमा कुलमानभन्दा योग्य व्यक्ति ल्याएका छौं

काठमाडौं । ऊर्जामन्त्री दीपक खड्काले नेपाल विद्युत् प्राधिकरणको कार्यकारी निर्देशकमा कुलमान घिसिङभन्दा योग्य व्यक्ति ल्याएको दाबी गरेका छन् ।

संसद् भवन परिसरमा पत्रकारसँग कुराकानी गर्दै उनले यस्तो बताएका हुन् ।

कुलमानलाई हटाएर हितेन्द्रदेव शाक्यलाई नियुक्त गर्ने निर्णयमा जनताको व्यापक आक्रोश छ नि भन्ने प्रश्नमा खड्काले भने, “मलाई त्यस्तो त लाग्दैन । उहाँभन्दा योग्य मान्छे राखेका छौं । जे भएपनि न्याय भएको छ ।”

सोमबार बसेको मन्त्रिपरिषद् बैठकले कुलमानलाई हटाएर हितेन्द्रदेव शाक्यलाई नियुक्त गरेको थियो । जसको चौतर्फी आलोचना भइरहेको छ ।