संसद्को गतिरोध अन्त्यका लागि राष्ट्रियसभाका अध्यक्ष पनि छलफलमा

काठमाडौं । संसद्मा देखिएको गतिरोध अन्त्यका लागि राष्ट्रियसभाका अध्यक्ष नारायणप्रसाद दाहाल पनि छलफलमा जुटेका छन् ।

नयाँ बानेश्वरस्थित आफ्नै कार्यकक्षमा दलका नेता तथा प्रमुख/मुख्य सचेतक, सचेतकहरूलाई बोलाएर उनले छलफल गरिरहेका हुन् ।

यस्तै संसद्को गतिरोध अन्त्यका लागि सभामुख देवराज घिमिरे पनि छलफलमा जुटेका थिए ।

कुलमान घिसिङलाई नेपाल विद्युत् प्राधिकरणको कार्यकारी निर्देशकबाट हटाएको विषयलाई लिएर प्रतिपक्षीले संसद्मा अवरोध सिर्जना गरिरहेका छन् ।

आज (आइतबार) बिहान ११ बजेका लागि संसद् बोलाइएकोमा निर्धारित समयमा सुरु भएको छैन ।

साथै ११ः१५ बजेका लागि तय राष्ट्रियसभाको बैठक पनि सुरु भएको छैन ।

संसद्को गतिरोध अन्त्यका लागि सभामुख दलका प्रमुख सचेतकहरूसँग छलफलमा