झापामा खुल्यो ‘बिर्तामोड सञ्जिवनी इन्भेष्टमेण्ट कम्पनी’

झापा, ३० चैत । झापाको बिर्तामोडमा ‘बिर्तामोड सञ्जिवनी इन्भेष्टमेण्ट कम्पनी’ सञ्चालनमा आएको छ ।

विभिन्न क्षेत्रमा आवद्ध एक सय १४ जनाको लगानीमा कम्पनी सञ्चालनमा आएको हो । कम्पनीको जारी पुँजी रू छ करोड ६० लाख र चुक्ता पुँजी रू पाँच करोड २८ लाख रहेको छ ।

कम्पनीको बारेमा जानकारी दिने उद्देश्यले झापाको बिर्तामोड आज आयोजित पत्रकार सम्मेलनमा कम्पनीका अध्यक्ष यामकुमार चुडालले विभिन्न सात वटा उद्देश्यले कम्पनी सञ्चालनमा ल्याइएको बताउनुभयो ।

बैंक तथा वित्तीय संस्थाका साथै विभिन्न कम्पनीबाट निष्काशित शेयर, नाफामूलक क्षेत्रसँगै विभिन्न कृषिसँग सम्बन्धित क्षेत्रमा लगानी गर्ने लक्ष्य रहेको अध्यक्ष चुडालले बताउनुभयो ।

“आयात, निर्यात, शैक्षिक, स्वास्थ्य, शैक्षिक, हस्तकला, सुरक्षा, अनुसन्धान, बजार प्रवद्र्धन लगायतका क्षेत्रहरु लगानी गर्ने हाम्रो उद्देश्य हो”, उहाँले भन्नुभयो, “आधुनिक कृषिसँग सम्बन्धित क्षेत्रमा समेत लगानी गर्ने योजना छ ।”

अधिकृत पूँजी रू २० करोड रहने कम्पनीले निकट भविष्मै राइट शेयर र आईपीओ मार्फत कम्पनीको पुँजी बृद्धि गर्दै लाने जनाइएको छ ।

The post झापामा खुल्यो ‘बिर्तामोड सञ्जिवनी इन्भेष्टमेण्ट कम्पनी’ appeared first on Jhapa Online.