राजस्थानमाथि लखनऊको दुई रनको रोमाञ्चक जित

काठमाडौं । इन्डियन प्रिमियर लिग (आईपीएल) क्रिकेटमा राजस्थान रोयल्समाथि लखनऊ सुपर जाइन्टले कठिन जित हासिल गरेको छ ।

जयपुरमा शनिबार राति भएको खेलमा लखनऊले घरेलु टोली राजस्थामाथि दुई रनको रोमाञ्चक जित हासिल गरेको हो ।

लखनऊले दिएको १८१ रनको लक्ष्य राजस्थानले पूरा गर्न सकेन । राजस्थान पूरै ओभर खेल्दै पाँच विकेट गुमाएर १७८ रनमा सीमित भयो ।

राजस्थानका लागि यशस्वी जैसवालले अर्धशतकीय पारी खेल्दै सर्वाधिक ७४ रन बनाए पनि यो टोलीको जितमा पर्याप्त भएन ।

लखनऊका लागि आभेश खानले तीन विकेट लिए । उनी खेलको उत्कृष्ट खेलाडी घोषित भए ।

यसअघि टस जितेर ब्याटिङ गरेको लखनऊले २० ओभरमा पाँच विकेट गुमाएर १८० रन बनाएको थियो ।

उसका लागि दुई खेलाडीले अर्धशतक बनाए । एडेन मकरमले ६६ तथा आयुष बाडोनीले ५० रन जोडे । मकरम खेलको मूल्यवान खेलाडी घोषित भए ।
राजस्थानका लागि वानिडु हसरङ्गाले तीन विकेट लिए ।

जित हासिल गरेको लखनऊ १० टोलीसम्मिलित प्रतियोगिताको चौथो स्थानमा छ । आठ खेलमा पाँच जित हासिल गर्दै उसले १० अङ्क जोडेको छ । चौथो स्थानमा कायम रहे लखनऊ प्ले अफका लागि छनोट हुनेछ ।

पराजित राजस्थान भने चार अङ्कसहित लिगको आठौँ स्थानमा सीमित छ ।

शनिबार नै भएको अर्को खेलमा दिल्ली क्यापिटल्सलाई सात विकेटले हराउँदै गुजरात टाइटन्स शीर्ष स्थानमा उक्लिएको थियो । समान १० अङ्क हुनका बाबजुद गुजरात दोस्रो स्थानको पञ्जाब किङ्ग्स, तेस्रोको दल्ली र चौथोमा रहेको लखनऊभन्दा अघि छ ।

दिल्लीलाई ७ विकेटले हराउँदै गुजरात शीर्ष स्थानमा