बेलायतको स्थानीय निर्वाचनमा पराजित भए डा कैनी

लन्डन – बेलायतमा विहीबार सम्पन्न स्थानीय निर्वाचनमा उम्मेदवार नेपाली मूलका डा बच्चुकैलाश कैनी पराजित भएका छन्।

शुक्रबार घोषित मतपतिणामअनुसार सत्तारुढ लेबर पार्टीका तर्फबाट डाटफोर्ड काउन्टी काउन्सिलका उम्मेदवार कैनी तेस्रो बनेका हुन्।

४ हजार ३ सय ४१ मत खसेको क्षेत्रमा रिफर्म यूकेका उम्मेदवार १६ सय १५ मतसहित विजयी भएका छन्।

यसअघिको निर्वाचन जितेको कन्जरभेटिभ पार्टीका उम्मेदवार १ हजार ५ सय ४७ मत ल्याएर दोस्रो स्थानमा आएका छन्। लेबर उम्मेदवार डा कैनी ८ सय मतसहित तेस्रो भएका छन्।

डा कैनी बेलायतको संसदीय निर्वाचनमा पनि लेबर पार्टीकै तर्फबाट निर्वाचन लडेर उपविजेता बनेका थिए। त्यसअघि भने उनी डार्टफोर्ड बरोमा काउन्सिलर निर्वाचित भएका थिए।