बेलायतका नेपाली संघसंस्थासंग सहकार्य गर्न दूतावासले माग्यो विवरण

लन्डन । लन्डनस्थित नेपाली राजदूतावासले बेलायतमा रहेका नेपाली संघसंस्थाहरुलाई आफ्नो विवरण उपलब्ध गराइदिन अनुरोध गरेको छ ।

दूतावासले आगामी दिनमा आयोजना गर्ने कार्यक्रमहरु तथा समुदायसँगको सहकार्यमा हुनसक्ने राष्ट्रिय हित एवं प्राथमिकताका अन्य गतिविधिमा नेपाली डायस्पोराको अधिकतम परिचालनका लागि संघसंस्थाको विवरण ‘अपडेट’ गर्न आवश्यक भएको एक सूचनामार्फत जनाएको छ ।

‘संयुक्त अधिराज्यमा हाल क्रियाशील रहेका नेपाली संघ-संस्था/संगठनहरुको विवरण आवश्यक भएकाले देहायको लिंकमा गइ ०७ जनवरी २०२५ भित्र आ–आफ्नो विवरण अद्यावधिक-उपलब्ध गराउनु हुन सम्बन्धित सबैमा अनुरोध छ’, दूतावासको सूचनामा उल्लेख छ ।

विवरण अपडेटका लागि यहां क्लिक गर्नुहोस्