गणितको जादु : ‘अनम्याथ म्याथ टक’ कार्यक्रम हुने

काठमाडौँ । भोलि शनिबार इम्बार्क कलेज पुल्चोक ललितपुरमा ‘अनम्याथ म्याथ टक’ कार्यक्रम हुने भएको छ । मेन्टरल्याब नेपाल र एम्बार्क अनम्याथ प्रालिले नेपालमा म्याथ म्याजिकल बनाउन ‘अनम्याथ म्याथ टक’ कार्यक्रमको आयोजना गर्ने भएका हुन । यस नवीन कार्यले कक्षा ५ देखि १० सम्मका विद्यार्थीहरूका लागि अति अप्ठ्यारो लागिरहेको कुरालाई आकर्षक, वास्तविक र विश्व अनुभवहरूमा रूपान्तरण गरेर गणित शिक्षाको परम्परागत दृष्टिकोणहरूलाई चुनौती दिनेछ ।

यस कार्यक्रमको नेतृत्व अन्तर्राष्ट्रिय ख्यातिप्राप्त गणित शिक्षाविद् दिवेश बठीजाले गर्नेछन् । बठीजा अनम्याथ स्कूलका सह–संस्थापकसमेत हुन, उनको क्रान्तिकारी शिक्षण विधिले भारत, नेपाल र यूएईका हजारौं युवा विद्यार्थीहरूलाई प्रेरित गरेको छ ।

शिक्षाविद् दिवेश बठीजाले भने, ‘गणित भनेको कण्ठस्थ गर्ने विषय होइन, यो त खोजको विषय हो । जब विद्यार्थीहरूले उनीहरूको दैनिक जीवन र वरपरको संसारसँग गणित कसरी जोडिएको रहेछ भन्नेकुरा थाहा पाउँछन तब गणितको वास्तविक सिकाइ सुरु हुन्छ ।’

कार्यक्रम बिहान ११ः०० बजेदेखि दिउँसो १ः०० बजेसम्म चल्नेछ । कार्यक्रममा सहभागीहरूले विभिन्न गतिविधिहरुमा आफैँ प्रत्यक्ष रुपमा संलग्न भई गणितलाई इमर्सिभ तरिकाले अनुभव गर्नेछन् । जसले मनोरञ्जन दिँदै सिकाइलाई रमाइलो बनाउनेछ । त्यस्तै गणितसँग सम्बन्धित बहसहरूले जीवन्त बनाउनेछ भने गणितप्रति विद्यार्थीहरुको आलोचनात्मक सोचलाई अझै तीखो बनाउँछ साथै कार्यक्रममा कथा सुनाउने सत्रहरूले गणितीय अवधारणाहरू पछाडिका रोचक इतिहासलाई समेत प्रकट गर्नेछ ।

यो विशेष र अनौठो कार्यक्रम भएकोले सिट सीमित छ । अभिभावक, शिक्षक र सरोकारवालाहरूलाई आफ्ना बालबालिका र विद्यार्थीहरूलाई चाँडै आफ्नो नाम दर्ता गर्न अनुरोध पनि गरिएको छ ।
www.mentorlabnepal.com/unmath-mathtalk  गएर अनलाइनमार्फत पनि आफ्नो नाम दर्ता गर्न सकिने छ वा +९७७ ९८०–१११८६८९ मा फोन गरेर पनि नाम दर्ता गर्ने सेवा उपलब्ध रहेको छ । सहभागिता सुनिश्चित गर्न, प्रति सहभागी रु. ९९ मात्र प्रवेश शुल्क राखेको आयोजकले जनाएका छन् ।