जनप्रशासन क्याम्पसबाट नक्कली परीक्षार्थी पक्राउ

काठमाडौँ । जनप्रशासन क्याम्पसबाट एक जना नक्कली परीक्षार्थी पक्राउ परेका छन् । प्रहरीले काठमाडौँ महानगरपालिका-१४ स्थित रहेको जनप्रशासन क्याम्पसमा एमपिए तेस्रो सेमेस्टरको परीक्षामा एक जना नक्कली परीक्षार्थीलाई पक्राउ गरी सार्वजनिक गरेको हो । पक्राउ पर्नेमा जुम्ला, चन्दननाथ नगरपालिका-८ घर भइ हाल काठमाडौँ महानगरपालिका-४ धुम्वाराही बस्ने २६ वर्षीय केशव रोकाया रहेको जिल्ला प्रहरी परिसर काठमाडौँका प्रवक्ता […]

HamroGlobalMedia

Jun 25, 2025 - 10:10

जनप्रशासन क्याम्पसबाट नक्कली परीक्षार्थी पक्राउ

काठमाडौँ । जनप्रशासन क्याम्पसबाट एक जना नक्कली परीक्षार्थी पक्राउ परेका छन् । प्रहरीले काठमाडौँ महानगरपालिका-१४ स्थित रहेको जनप्रशासन क्याम्पसमा एमपिए तेस्रो सेमेस्टरको परीक्षामा एक जना नक्कली परीक्षार्थीलाई पक्राउ गरी सार्वजनिक गरेको हो ।

पक्राउ पर्नेमा जुम्ला, चन्दननाथ नगरपालिका-८ घर भइ हाल काठमाडौँ महानगरपालिका-४ धुम्वाराही बस्ने २६ वर्षीय केशव रोकाया रहेको जिल्ला प्रहरी परिसर काठमाडौँका प्रवक्ता एवं प्रहरी उपरीक्षक अपिलराज बोहराले जानकारी दिए । उनले भने, ‘उक्त क्याम्पसमा अध्ययनरत दानबहादुर रोकायाको तर्फबाट परीक्षामा सहभागी भएको र निजलाई आवश्यक अनुसन्धान तथा कारबाही गर्न जन प्रशासन क्याम्पसको प्राप्त पत्रानुसार पक्राउ गरिएको हो ।’

निज नक्कली परीक्षार्थी रोकायालाई शिक्षासम्बन्धी ऐन कसुर मुद्दामा जिल्ला प्रशासन कार्यालय काठमाडौँबाट म्याद थप अनुमति लिई थप अनुसन्धान भइरहेको प्रवक्ता बोहराले बताए ।