‘धिमे विशेष २०८२’: परम्परागत नृत्यको अभ्यासदेखि अभिव्यक्तिसम्म

काठमाडौं। नेपाली लोकसंस्कृति र परम्परागत नृत्यको संरक्षणमा क्रियाशील संस्था डान्स नेपाल डान्स थिएटर (DNDT) ले आगामी साउन २ र ३ गते काठमाडौँमा दोस्रो राष्ट्रिय लोकनृत्य कार्यशाला ‘धिमे विशेष २०८२’ आयोजना गर्ने भएको छ।

कार्यशालामा पाटन, ललितपुर र भक्तपुर क्षेत्रका परम्परागत धिमे (नेवारी) नृत्य शैलीलाई केन्द्रमा राखिएको छ। DNDT का निर्देशक भावना कार्कीका अनुसार, “यो कार्यशाला, नृत्यलाई शारीरिक अभ्यास मात्र नभई सांस्कृतिक आत्मा र सामाजिक संवादको माध्यमका रूपमा प्रस्तुत गर्ने प्रयास हो।”

कार्यक्रममा परम्परागत वाद्य, पोसाक र नृत्य शैलीको अभ्यास तथा प्रशिक्षण दिइनेछ। साथै, स्थानीय प्रतिभाको पहिचान, सांस्कृतिक दस्तावेजीकरण र नयाँ पुस्ताको सशक्तीकरणमा जोड दिइने आयोजकले जनाएका छन्।