विश्वकर्माद्वारा राजा ज्ञानेन्द्रलाई श्रीपेच र राजदण्ड उपहार

आइतबार झापाको चन्द्रगढी विमानस्थलमा उनले राजा ज्ञानेन्द्रलाई सो उपहार दिएका हुन् । झन्डै २ वर्षअघि कोरोना संक्रमण रोकथामका लागि भएको लकडाउनका बेला उनले ३ महिना लगाएर श्रीपेच र राजदण्ड निर्माण गरेका थिए । श्रीपेचमा सुन, चाँदी, मोती तथा बहुमूल्य रत्न लगायत जडान गरिएको छ ।  

श्रीपेचका लागि ५ लाख रुपैयाँ हाराहारीको रत्न प्रयोग गरिएको विश्वकर्माले रातोपाटीलाई बताए । उनले आफू राष्ट्रवादी र राजसंस्थाको पक्षधर रहेको बताउँदै सो श्रीपेच राजा ज्ञानेन्द्रलाई दिनकै लागि बनाएको उल्लेख गरे ।  उनले भने–‘राजालाई उपहार दिने भनेर नै बनाएको थिएँ तर उहाँलाई दिनका लागि शुभ साइत मिलेको थिएन । झापा आउनुभएको अवसरमा मैले चन्द्रगढी विमानस्थलमा पुगेर उहाँलाई हस्तान्तरण गर्न पाएँ ।’

श्रीपेच लिँदै पूर्वराजा शाहले धन्यवाद दिएको र निकै हर्षित भएको विश्वकर्माले बताए ।