आजपनि प्रतिनिधि सभा र राष्ट्रिय सभामा नीति तथा कार्यक्रममाथि छलफल हुँदै
काठमाडौं । संघीय संसद्का दुवै सदन प्रतिनिधि सभा र राष्ट्रिय सभा बैठक आज बस्दैछ । प्रतिनिधि सभा बैठक बिहान ११ बजे र राष्ट्रिय सभा बैठक दिउँसो १ बजे बस्न लागेकाे संघीय संसद् सचिवालयले जनाएकाे छ ।
संघीय संसद् भवन नयाँ बानेश्वरमा बस्ने दुवै सदनकाे बैठकमा सरकारकाे नीति तथा कार्यक्रममाथि छलफल हुनेछ । दुवै सदनमा आइतबारदेखि नीति तथा कार्यक्रममाथि छलफल सुरु भएकाे हाे ।
नीति तथा कार्यक्रममाथि प्रतिनिधि सभामा २० र राष्ट्रिय सभामा ३ सांसद्ले संशाेधन प्रस्ताव दर्ता गरेका छन् । प्रतिनिधि सभामा वैशाख ११ गतेसम्म र राष्ट्रिय सभामा वैशाख ९ गतेसम्म नीति तथा कार्यक्रममाथि छलफल हुनेछ ।
What's Your Reaction?
