उपनिर्वाचनका लागि तिलागुफामा ६ जनाको उम्मेदवारी दर्ता

सुर्खेत । कालिकोट जिल्लाको तिलागुफा नगरपालिका ४ बडाध्यक्ष पदको उपनिर्वाचनका ६ जनाले उम्मेदवारी दर्ता गराएका छन् ।

वडाध्यक्ष पदका लागि बिभिन्न राजनीतिक दलका ६ जनाले उम्मेदवारी दर्ता गराएका हुन् ।

वडाध्यक्ष पदका नेकपा एमालेबाट ऐनबहादुर शाही, नेपाल मजदुर किसान पार्टीबाट खड्कबहादुर शाही, राष्ट्रिय स्वतन्त्र पार्टीबाट गगन बम, राष्ट्रिय स्वतन्त्र पार्टीबाट रत्नबहादुर शाही, माओवादी केन्द्रबाट नैसोभा शाही र नेपाली कांग्रेकातर्फबाट पैलबहादुर शाहीले उम्मेदवारी दर्ता गराएको जिल्ला निर्वाचन कार्यालय कालीकोटका सूचना अधिकारी लक्ष्मणबहादुर शाहीले बताए ।

तिलागुफा नगरपालिका वडा नं.४ राँचुलीमा वडाध्यक्ष परबहादुर शाहीको निधन भएपछि उनको ठाउँमा माओवादी केन्द्रले शाहीको धर्मपत्नी नौसोभालाई उम्मेदवार बनाएको छ ।