इजरायली प्रधानमन्त्री नेतान्याहुविरुद्ध आईसीसीले जारी गर्‍यो पक्राउ पुर्जी

एजेन्सी । अन्तर्राष्ट्रिय फौजदारी अदालत (आईसीसी) ले इजरायली प्रधानमन्त्री बेन्जामिन नेतान्याहु र इजरायली पूर्वरक्षामन्त्री योआभ ग्लान्टविरुद्ध पक्राउ पुर्जी जारी गरेको छ ।  आईसीसीका न्यायाधीशहरूले उनीहरुका साथै  हमासका सैन्य कमाण्डर मोहम्मद डेफमाथी पनि पक्राउ पुर्जी जारी गरेको बीबीसीले जनाएको छ ।

तर इजरायलले भने पक्राउ पुर्जी जारी गरिएका हमास कमाण्डर डेफ  गत जुलाईमा गाजामा गरिएको हवाई आक्रमणमा मारिएको दाबी गरेको छ ।

बीबीसीका अनुसार न्यायाधीशहरूले इजरायल र हमासबीचको युद्धमा ‘युद्ध अपराध’ र ‘मानवता विरुद्धको अपराध’ का लागि तीन जना व्यक्तिहरू जिम्मेवार रहेको जनाएका छन् ।

उनीहरूविरुद्ध नागरिकहरूमाथि जानाजान आक्रमण गरेको, युद्ध र हतियारको भरमा भोकमरी निम्त्याएको र निर्दोष सर्वसाधारणको हत्या गरेको अरोप छ ।