ओलीको स्पष्टोक्ति: कम्बोडियाको टेलिकमको लगानी सजिलै थाहा पाउन सकिन्छ, भ्रममा पर्नु पर्दैन

काठमाडौं । प्रधानमन्त्री केपी शर्मा ओलीले कम्बोडियाको टेलिकममा कसको लगानी छ भन्ने कुरा सजिलै प्रमाणित गर्न सकिने बताएका छन् । भाइरलम्यान दुर्गा प्रसाईंले लगाएको आरोपको खण्डन गर्दै उनले भ्रममा नपर्न र तथ्य सजिलै हेर्न सकिने बताए ।

दरबारमार्गमा आयोजित ‘जागरण सभा’मा सम्बोधन गर्दै ओलीले भने, “चार घन्टाभित्र कम्बोडिया पुग्न सकिन्छ । बैंककबाट ४५ मिनेटको उडानमै त्यहाँ पुगिन्छ।  त्यहाँ गएर हेर्दा सबै स्पष्ट हुन्छ । तर, यहाँ अनावश्यक भ्रम फैलाएर जनतालाई अलमल्याउन खोजिएको छ ।”

उनले आफैं झुट फैलाउने र अरूको टाउकोमा दोष थोपर्ने प्रवृत्ति रहेको भन्दै  आलोचना गरे । उनले  “आफू बमासी गर्ने । आफैं युट्युबमा बोल्छन्, फेरि त्यही हेरेर मख्ख पर्छन् । अरु पनि भ्रममा परे होलान् भनेर मख्ख हुनछन् । तर, खासमा कोही भ्रममा परेका हुँदैनन् ।”