जोर्डनस्थित इजरायली दूतावासनजिकै गोली चल्यो : आक्रमणकारीको मृत्यु, तीन सुरक्षाकर्मी घाइते

अम्मान । जोर्डनको राजधानी अम्मानमा इजरायली राजदूतावास रहेको क्षेत्रमा गोली चल्दा एक व्यक्तिको मृत्यु हुनुका साथै सुरक्षा सेवाका तीन सदस्य घाइते भएका छन् ।

राजधानी अम्मानको राबिह क्षेत्रमा सञ्चालित गस्ती टोलीमाथि आइतबार बिहान गोली चलेको सार्वजनिक सुरक्षा निर्देशनालयले जानकारी दिएको हो ।

एक बन्दुकधारीले गस्ती टोलीमाथि गोली चलाएको र पछि सुरक्षा बलले आक्रमणकारीलाई घेरा हालेको थियो । ती व्यक्तिले ‘सुरक्षा बलमाथि गोली चलाएपछि आक्रमणमा संलग्नलाई नियन्त्रणमा लिने क्रममा सुरक्षाकर्मीले चलाएका थिए । गोली लागि आक्रमणकारीको मृत्यु भएको पुष्टि भएको छ ।

घटनामा परी तीनजना सुरक्षाकर्मी घाइते भएको र उनीहरूको उपचार भइरहेको जनाइएको छ ।