लागुऔषधसहित आठ जना पक्राउ

झापा, ११ मंसिर । झापा, मोरङ र सुनसरीबाट प्रतिबन्धित औषधीसहित ८ जनालाई प्रहरीले पक्राउ गरेको छ ।

सोमबार विशेष सूचनाको आधारमा झापाको इलाका प्रहरी कार्यालय दमक र अस्थायी प्रहरी पोष्ट बाह्रघरेबाट खटिएको प्रहरी टोलीले कमल गाउँपालिका–७ का ३८ बर्षीय सन्देश बस्नेतलाई उनकै घरबाट ट्रामाडोल ४ हजार ९ सय ३० क्याप्सुल, स्पास्पेन ५ हजार २६ क्यापसुल डिकोलिक ४ सय २० क्याप्सुल सहित पक्राउ गरेको छ भने प्रहरी चौकी कुन्जिबारीको गस्ती टोलीले गौरीगञ्ज गाउँपालिका–१ का २१ बर्षीय उत्तम राजबंशी, १९ बर्षीय गोबिन्द राजबंशी र किरण कोच समेतलाई ९०० मिलिग्राम ब्राउन सुगर, नाइट्राक्रस ८० ट्याव्लेट सहित नियन्त्रणमा लिएको छ ।

यसैगरी सोमबार नै सुनसरीको बराहक्षेत्र नगरपालिका–७ का १८ वर्षीय सुजन तामाङ, १८ वर्षीय पर्वत तामाङ र मोरङ बेलबारी–१ का १८ वर्षीय सारुहाङ राईलाई ट्रामाडोल ९५ क्याप्सुल र स्पास्पेन ९५ क्याप्सुलसहित अस्थायी प्रहरी चौकी बाङ्गेले र बेलबारी–२ का २० वर्षीय राकेश लिम्बूलाई विराटनगर बसपार्कबाट ७९ वटा एम्पुल (फेनारगन, एभिल, डाईजेपाम) सहित सहित वडा प्रहरी कार्यालय विराटनगरले नियन्त्रणमा लिएको छ ।

The post लागुऔषधसहित आठ जना पक्राउ appeared first on Jhapa Online.