गाँजा बोकेको स्कारपियो नियन्त्रणमा

इटहरी, ११ मंसिर । सुनसरीको इटहरी उपमहानगरपालिका–२० पानीपिया जंगल स्थित कोशी लोकमार्गमा लागुऔषध गाँजा बोकेको स्कारपियो गाडी प्रहरीले नियन्त्रणमा लिएको छ ।

मंसिर ११ गते साँझ साढे ७ बजे विशेष सूचनाको आधारमा कोशी प्रदेश प्रहरी कार्यालय बिराटनगर तथा इलाका प्रहरी कार्यालय धरान र इटहरीबाट परिचालन भएको प्रहरी टोलीले चेक जाँचको क्रममा इटहरी–२० पानीपिया जंगल स्थित सडक साईडमा रोकी राखेको को. १ च ७६८९ नम्वरको स्कारपियो गाडी भित्र तयारी गाँजा ३ सय ९ किलोग्राम बरामद गरेको हो ।

उक्त स्कारपियो र गाँजा प्रहरीले नियन्त्रणमा लिई सवारी चालकको खोजतलास गरिरहेको छ भने इलाका प्रहरी कार्यालय इटहरीबाट आवश्यक अनुसन्धान तथा कानुनी कारवाही भइरहेको छ ।

The post गाँजा बोकेको स्कारपियो नियन्त्रणमा appeared first on Jhapa Online.