स्वयम्भूनाथको दर्शनमा भुटानी राजा : पूजा–अर्चनापछि दृश्यावलोकन

काठमाडौं । भुटानका नरेश जिग्मे खेसर नाम्गेल वाङचुकले विश्वसम्पदा सूचीमा सूचीकृत स्वयम्भूनाथको दर्शनसहित पूजा–अर्चना गरेका छन् ।

यसअघि स्वयम्भू व्यवस्थापन तथा संरक्षण महासमितिका पदाधिकारीले स्वयम्भूनाथ परिसरमा भुटानी राजालाई स्वागत गरेका थिए । करिब आधा घण्टा त्यहाँ रहेका उनले स्वयम्भूनाथ परिसरबाट काठमाडों उपत्यकाको दृश्यावलोकन गरे ।

आज (शुक्रबार) बिहान नेपाल आइपुगेका भुटानी राजा जिग्मेको स्वयम्भूनाथ दर्शनपछि बौद्धनाथ दर्शन गर्न गएका थिए । भारतबाट स्वदेश फर्कने क्रममा काठमाडौं आएका भुटानी राजा आजै स्वदेश फर्कने परराष्ट्र मन्त्रालयले जनाएको छ ।