चम्फापुर माविले मनायो ६१ औं वार्षिकोत्सव

चन्द्र बस्नेत
कनकाई, १४ पुस । झापाको कनकाई नगरपालिका–६ चम्फापुर स्थित चम्फापुर माध्यमिक विद्यालले ६१ औं वार्षिकोत्सव मनाएको छ। आज विद्यालयले एक कार्यक्रमका बीच ६१ औं वार्षिकोत्सव मनाएको हो ।

विद्यालयले सप्ताहव्यापी विविध खेलकुद तथा सांस्कृतिक कार्यक्रम सम्पन्न गरेपछि आज अन्तिम दिन मूल कार्यक्रम गरेको हो । सप्तऋषि संस्कृत विद्यापिठका नारायण अधिकारी, सौगात ढकाल, पुजन अधिकारीले स्वस्तिक वाचन र प्रमुख अतिथि विशिष्ट अतिथि सभाअध्यक्षबाट द्विप प्रजवलन गर्दै कार्यक्रमको उद्घघाटन गरिएको थियो ।

विद्यालय व्यवस्थापन समितिको अध्यक्ष खिनमाया बस्नेत (सीता)को अध्यक्षतामा आयोजित कार्यक्रममा कनकाई नगर उप(प्रमुख आशाशर्मा शिवाकोटीको प्रमुख आतिथ्यता रहेको थियो । कार्यक्रममा प्रमुख अतिथि शिवाकोटीले आजको पहिलो आवश्यकता नै शिक्षा भएको र शिक्षा हासिल गर्न पहिलाको जस्तो समस्या नभएको पहिलाको तुलनामा स्रोत र साधन पनि व्यवस्थित हुँदै गएको भन्दै शिक्षण सिकाईका साथसाथै स्वस्थ्य जीवन जिउन हाम्रो लागि खेल नै आजको आवश्यक भएकाले खेलको माध्यमबाट आफ्नो जीवन स्वस्थ राख्न सुझाव दिनुभएको थियो ।

कार्यक्रममा विशिष्ट अतिथि नगर शिक्षा प्रमुख राजकुमार ओडारी, कनकाई–६ का अध्यक्ष लक्ष्मीप्रसाद ओली, कनकाई–७ का अध्यक्ष भीष्मभुषण सिटौला लगायतले स्थानीय सरकारले पनि शिक्षालाई नै जोड दिने गरेको सुनाउनु भएको थियो । प्रधानध्यापक बिष्णुप्रसाद कोइरालाले विद्यालयको प्रगति विवरण र भावी योजनासहितको प्रतिवेदन प्रस्तुत गर्नुभएको थियो ।

कार्यक्रमकै अवसरमा छुट्टाछुट्टै विभिन्न १२ वटा अक्षयकोषका दाता परिवारबाट गरिब तथा जेहेन्दार (उत्कृष्ट) २५ जना विद्यार्थीहरुलाई पुरस्कृत गरिएको थियो । त्यस्तै, अक्षयकोषका दाता कनकाई ७ का अध्यक्ष भिस्मभुषण सिटौला सहित अन्य दाता परिवारलाई समेत सम्मान गरिएको थियोे ।

कार्यक्रममा नगर बालबालिका शाखा प्रमुख उमानाथ ढकाल विद्यालयका प्रधानध्यापक, शिक्षक प्रतिनिधि, जनप्रतिनिधि, अभिभावक, अक्षयकोषका दाता परिवार लगायतको उपस्तिथि रहेको थियोे । विद्यालयका शिक्षक मोहन काफ्लेको स्वागत तथा नर्सरी र एलकेजीका नानीबाबुबाट स्वागत नृत्य प्रस्तुत गरिएको थियो । विद्यालय व्यवस्थापन समितिकी अध्यक्ष बस्नेतले चम्फापुर विद्यालय नगरपालिकाको नजिकै भए पनि विभिन्न सेवा सुविधामा अलि पछिपरेको, भवनहरु पनि पुराना हुँदै गएकाले केही प्राथमिकतामा राख्न माग गर्नुभयो ।

विद्यालयमा हाल नर्सरीदेखि कक्षा–६ सम्म अंग्रेजी र नेपाली दुवै माध्यममा तथा कक्षा–७ देखि १० सम्म नेपाली माध्यममा पढाइ हुने गरेको छ । विद्यालयमा हाल ३५५ बढी विद्यार्थी २४ बढी शिक्षक–शिक्षिका साथमा शिक्षण सिकाइ गरिरहेको छन् भने विद्यालयका सात वटा भवनमा १६ वटा कक्षा कोठा रहेको प्रधानध्यापक बिष्णुप्रसाद कोइरालाले बताउनुभयो । कार्यक्रमको सञ्चालन विद्यालयका सहायक प्रधानध्यापक रुद्र थापाले गर्नुभएको थियो ।

The post चम्फापुर माविले मनायो ६१ औं वार्षिकोत्सव appeared first on Jhapa Online.