बालगायक सचिन परियारको निधनमा प्रधानमन्त्री ओलीले दिए श्रद्धाञ्जलि

परिवारभित्रको बेमेल र सामाजिक सञ्जालमा भाइरल हुने प्रवृत्तिका कारण सचिनको जीवनमा परेको असरप्रति गहिरो दुख प्रकट गर्दै प्रधानमन्त्री ओलीले श्रद्धाञ्जली दिए ।

Jan 2, 2025 - 10:38
 0
बालगायक सचिन परियारको निधनमा प्रधानमन्त्री ओलीले दिए श्रद्धाञ्जलि

काठमाडौं । भाइरल बालगायक सचिन परियारको निधनमा प्रधानमन्त्री केपी शर्मा ओलीले श्रद्धाञ्जली व्यक्त गरेका छन् ।

परिवारभित्रको बेमेल र सामाजिक सञ्जालमा भाइरल हुने प्रवृत्तिका कारण सचिनको जीवनमा परेको असरप्रति गहिरो दुख प्रकट गर्दै प्रधानमन्त्री ओलीले श्रद्धाञ्जली दिए ।

प्रधानमन्त्री ओलीले फेसबुकमा लेखेका छन्, ‘ बाल गायक सचिन परियारको निधन भएको खबरले धेरै दुःखी छु । एक जना प्रतिभाशाली बालकमाथि पारिवारिक बेमेल र सामाजिक सञ्जालको भाइरल प्रवृत्तिको असर पुर्‍याएको यस घटनाले सामाजिक सम्बन्धका संवेदनशील विषयमा सजग भएर मात्र प्रतिक्रिया दिनु पर्छ भन्ने सबैलाई पाठ सिकाएको छ । बाल गायक सचिनलाई हार्दिक श्रद्धाञ्जली ।’

सचिनको निधनसँगै सामाजिक सञ्जालमा सचिनप्रतिको श्रद्धाञ्जलीका सन्देशहरू छाएका छन् । सामाजिक सञ्जालमा भाइरल हुँदाताका कतिपयले सचिनप्रति अनावश्यक दबाब सिर्जना गरेर दुरुपयोग गरेको भन्दै आलोचना समेत भएको छ ।

बालगायक सचिनले आफ्नो गायनमार्फत् सामाजिक सञ्जालमा धेरैको मन जितेका थिए ।

What's Your Reaction?

like

dislike

love

funny

angry

sad

wow

HamroGlobalMedia तपाईं पनि हाम्रो वेबसाइट मा समाचार वा आफ्नो विचार लेख्न सक्नुहुन्छ। आजै खाता खोल्नुहोस्। https://www.hamroglobalmedia.com/register