लन्चअघि पुलिसविरुद्ध मधेसले बनायो ९९ रन

काठमाडौं । जय ट्रफी एलिट कप क्रिकेटमा नेपाल पुलिस क्लबविरुद्ध मधेस प्रदेशले लन्चअघि ९९ रन बनाएको छ ।

वीरगञ्जस्थित नारायणी क्रिकेट मैदानमा जारी खेलमा मधेसले २९.१ ओभरमा ४ विकेटको क्षतिमा ९९ रन बनाएको हो ।

अहिले मधेसका लागि मयन यादव ५१ रनमा अविजित छन् ।

मधेसका लागि कप्तान हरिशंकर साह ९ रनमा आउट भए । उनलाई पुलिसका सर्वन यादवले ५.४ ओभरमा आउट गरे ।

दोस्रो विकेटका लागि मयन यादव र निरज यादवले ६८ रनको साझेदारी गरे । निरजलाई १६.६ ओभरमा २९ रनमा कुशल भुर्तेलले आउट गरे ।

विशाल पटेल ६ रनमा आउट भए । गुल्शन झाको बाउन्सरमा विशाल आउट भए ।

२९.१ ओभरमा गुल्शनले साहिल पटेललाई शून्य रनमा आउट गर्दै खेलमा आफ्नो दोस्रो विकेट लिए ।

टस जितेर पुलिसले पहिले बलिङ गर्ने निर्णय लिएको हो ।