वरिष्ठ अधिवक्ता दिनेश त्रिपाठीमाथि रवि समर्थकको आक्रमण प्रयास

काठमाडौं । वरिष्ठ अधिवक्ता दिनेश त्रिपाठीमाथि काठमाडौं जिल्ला अदालतमै कुटपिटको प्रयास भएको छ ।

राष्ट्रिय स्वतन्त्र पार्टी (रास्वपा)का कार्यकर्ता तथा रवि लामिछानेका समर्थकहरुले कुटपिटको प्रयास गरेका हुन् ।

अदालतमा लामिछानेविरुद्ध जाहेरी पक्षमा तर्फबाट उनले बहस गरेका थिए ।

घर फर्किने क्रममा अदालत परिसरमै आक्रमणको प्रयास भएको पाइएको प्रहरीले जनाएको छ । घटनामा संलग्नको खोजी भइरहेको छ ।

अहिले अदालत आसपास बाक्लो सङ्ख्यामा उपस्थित भएका छन् । भित्र लामिछानेविरुद्धको मुद्दामा आदेश लेखन जारी रहेको अदालत स्रोतले बताएको छ ।