एनप्याब्सन झापाको जिल्लास्तरीय खेलकुद प्रतियोगिता जारी, इष्ट होराइजनले जित्यो फुटबलको उपाधि

चन्द्र बस्नेत
कनकाई, १७ माघ । राष्ट्रिय निजी तथा आवासीय विद्यालय एसोसिएसन नेपाल (एनप्याब्सन) झापाको १३ औं जिल्लास्तरीय खेलकुद तथा सांस्कृति कार्यक्रम अन्तरगत बुधबार १३ वर्षमुनिको फुटलब प्रतियोगिताको उपाधि इष्ट होराइजन बोर्डिङ स्कूल धुलाबारीले जितेको छ।

झापाको कनकाई नगरपालिका–२ स्थित जामुनखाडी सामुदायिक वनको प्राकृतिक खेल मैदानमा सम्पन्न प्रतियोगिता अन्तरगत फाइनल खेलमा वण्डरल्याण्ड इंग्लिस स्कूल केर्खालाई १–० गोल अन्तरले पराजित गर्दै इष्ट होराइजन बोर्डिङ स्कूल धुलाबारीले उपाधी चुमेको हो ।

त्यसैगरी, बुधबार नै फाक्तालुङ एजुकेशन फाउण्डेशन कनकाईको प्राङ्गणमा भएका कक्षा १० सम्मका पुरुष र महिलाका छुट्टाछुट्टै भलिबल प्रतियोगिता सम्पन्न भएको छ। पुरुष तर्फ भएको पहिलो प्रतियोगितामा फाक्तालुङ एजुकेशन फाउण्डेशन दुर्गापुरलाई पराजित गर्दै र पशुपति अग्रेजी स्कुल मेचीनगरले विजयी सुरुवात गरेको छ।

दोस्रो खेलमा सूर्योदय इंग्लिस स्कूल काँकरभिट्टालाई पराजित गर्दै आदर्श स्कुल धुलाबारी विजयी भएको छ। तेस्रो खेलमा वण्डरल्याण्ड इंग्लिस बोर्डिङ स्कूल केर्खालाई पराजित गर्दै दन्तकाली इंग्लिस बोर्डिङ स्कूल चारआली विजयी भएको छ। चौथो खेलमा ईन्डरगाणन बिर्तामोडलाई पराजित गर्दै अरुणोदय इंग्लिस स्कूल काँकरभिट्टा विजयी भएको छ।

पाँचौं, खेलमा नमुना स्कुल चकचकीलाई पराजित गर्दै शिखर ज्योति दमक विजयी भएको छ । छैटौं खेलमा लोफोफोरस इंग्लिस स्कूल काँकरभिट्टालाई पराजित गर्दै चिल्ड्रेन गार्डेन जलथल विजयी भएको छ। अन्तिम खेलमा शान्तिपथ इंग्लिस स्कूल काँकरभिट्टलाई पराजित गर्दै सनसाईन इंग्लिस स्कूल मेचीनगरले जितेको छ ।

महिला तर्फ बुधबार नै भएका खेलमा सूर्योदय इंग्लिस स्कूल काँकरभिट्टालाई पराजित गर्दै चिल्ड्रेन गार्डेन जलथल विजयी भएको छ। दोस्रो खेलमा फाक्तालुङ एजुकेशन फाउण्डेशन दुर्गापुरलाई पराजित गर्दै अरुणोदय इंग्लिस स्कूल काँकरभिट्टा विजयी भएको छ। तेस्रो खेलमा लोफोफोरस इंग्लिस स्कूल काँकरभिट्टालाई पराजित गर्दै वण्डरल्याण्ड इंग्लिस बोर्डिङ स्कूल केर्खाले जितेको छ। चौथो खेलमा दन्तकाली इंग्लिस स्कूल चारालीलाई पराजित गर्दै पशुपति इंग्लिस स्कूल काँकरभिट्टा विजयी भएको छ।

पाँचौ खेलामा आदर्श स्कुल धुलाबारीलाई पराजित गर्दै शिखर ज्योति दमक विजयी भएको भलिबल कोडिनेटर एन्जल पोखरेलले जानकारी दिनुभयो ।

त्यसैगरि महिला तर्फ बिहिबार सेमिफाइनलका खेल हुने जनाएको छ। जसमा पशुपति इंग्लिस स्कूल काँकरभिट्टा र चिल्ड्रेन गार्डेन जलथलबीच पहिलो सेमिफाइनल तथा वण्डरल्याण्ड इंग्लिस बोर्डिङ स्कूल केर्खा र शिखर ज्योति दमकबीच प्रतिस्पर्धा हुने एनप्याब्सन झापाका कार्यवाहक अध्यक्ष ओमबिक्रम नेम्वाङले जानकारी दिनुभयो ।

प्रतियोगिता अन्तरगत भोलि पुरुष तर्फका क्वाटर फाईनलका खेल हुने छन भने महिला तर्फ सेमिफाइनल र फाईनल खेल हुने कार्यवाहक अध्यक्ष नेम्वाङले जानकारी दिनुभयो । बुधबार कार्यवाहक अध्यक्ष नेम्वाङको अध्यक्षतामा भएको भलिबल उद्घाटन कार्यक्रमको प्रमुख अतिथि कमल गाउँपालिका वडा न ३ का अध्यक्ष अग्नि कोईराला रहनु भएको थियो भने कार्यक्रमको सन्चालन फाक्तालुङ एजुकेशन फाउण्डेशन दुर्गापुरका शिक्षक तथा भलिबल कोडिनेटर एन्जल पोखरेलले गर्नुभएको थियोे ।

जिल्लास्तरीय खेलकुद तथा सांस्कृतिक कार्यक्रम अन्तरगत भलिबल, टेनिस, ब्याडमिन्ट लगायत खेलकुद प्रतियोगिता जिल्लाका विभिन्न स्थानमा हुदैछ भने सांस्कृतिक तथा आधुनिक नृत्य प्रतियोगिता समेत हुनेछ । कार्यक्रमको समापन माघ १९ गते दमकको झापा मोडल स्कूलमा हुनेछ ।

The post एनप्याब्सन झापाको जिल्लास्तरीय खेलकुद प्रतियोगिता जारी, इष्ट होराइजनले जित्यो फुटबलको उपाधि appeared first on Jhapa Online.