एक वर्षमा ६६ हजार नेपालीले स्थायी रुपमा देश छाडे, कामको खोजीमा विदेश जानेको संख्या साढे ८ लाख नाघ्यो 

काठमाडौँ । एक वर्षमा ६६ हजार ८ सय ३५ जना नेपालीले स्थायी रुपमा देश छोडेका छन् । अध्यागमन विभागको तथ्याङ्क अनुसार सन् २०२४ मा ३४ हजार ५ सय ४४ पुरुष र ३२ हजार २ सय ८७ महिला गरी कुल ६६ हजार ८ सय ३५ जनाले स्थायी रुपमा देश छोडेका हुन् ।  यस अवधिमा १ लाख […]

Jan 30, 2025 - 03:18
 0
एक वर्षमा ६६ हजार नेपालीले स्थायी रुपमा देश छाडे, कामको खोजीमा विदेश जानेको संख्या साढे ८ लाख नाघ्यो 

काठमाडौँ । एक वर्षमा ६६ हजार ८ सय ३५ जना नेपालीले स्थायी रुपमा देश छोडेका छन् । अध्यागमन विभागको तथ्याङ्क अनुसार सन् २०२४ मा ३४ हजार ५ सय ४४ पुरुष र ३२ हजार २ सय ८७ महिला गरी कुल ६६ हजार ८ सय ३५ जनाले स्थायी रुपमा देश छोडेका हुन् । 

यस अवधिमा १ लाख ८ सय २७ जना नेपालीहरुले अस्थायी बसोबासका लागि देश छोडेका छन् । बाँकी रहेका नेपालीहरु भने कामको खोजीमा विभिन्न देश जानेहरु रहेका छन् । 

विभागको तथ्याङ्क अनुसार गत वर्ष (सन् २०२३) मा ७० हजार ९ सय १५ जनाले नेपालीहरुले स्थायी बसोबासका लागि देश छोडेका थिए । तुलनात्मक रुपमा स्थायी रुपमा देश छोड्नेको संख्या घटे पनि अवस्था चिन्ताजनक नै रहेको विज्ञहरुको भनाई छ । 

स्थायी रुपमा देश छोड्नेहरु घटे पनि अस्थायी बसोबासका लागि देश छोड्नेहरु भने बढेका छन् । सन् २०२३ मा नेपालबाट ९२ हजार ३ सय ४९ जनाले अस्थायी बसोबासका लागि देश छोडेका थिए । 

त्यस्तै, सन् २०२४ मा रोजगारीको सिलसिलामा कुल ८ लाख ५६ हजार ४ सय २२ जना नेपाली विदेशिएको विभागको तथ्याङ्कमा उल्लेख छ । जसमा ९६ हजार १९७ महिला र ७ लाख ६९ हजार ८९० पुरुष छन् । सो वर्ष अध्ययनका लागि नेपालबाट १ लाख १९ हजार ४०९ जना विदेशिएका छन् । स्वास्थ्य उपचारमा १८ हजार ७१३ जना नेपाली विदेशिएको विभागको तथ्याङ्कमा उल्लेख छ । यूएन मिसनमा ५ हजार ८४७ जना विदेशिएको देखिन्छ । खेलकुदजन्य गतिविधिका लागि २ हजार ६८०९ जना विदेश गएका थिए ।

What's Your Reaction?

like

dislike

love

funny

angry

sad

wow

HamroGlobalMedia तपाईं पनि हाम्रो वेबसाइट मा समाचार वा आफ्नो विचार लेख्न सक्नुहुन्छ। आजै खाता खोल्नुहोस्। https://www.hamroglobalmedia.com/register