अमेरिका विमान दुर्घटना : ठक्कर दिने हेलिकोप्टरका चालक दल प्रमुख र पाइलटको सनाखत

काठमाडौं । अमेरिकाको राजधानी वाशिङ्टन डीसीमा विमानलाई ठक्कर दिने सेनाको ब्ल्याक हक हेलिकोप्टरमा सवार तीन जनामध्ये दुई जनाको सनाखत भएको छ ।

बीबीसीकाअनुसार सनाखत हुनेमा चालक दलका प्रमुख २९ वर्षीय रायन ओ’हारा र पाइलट एन्ड्र्यू इभ्स छन् । अर्का एक सदस्यको भने पहिचान खुलेको छैन ।

बुधबार राति अमेरिकन एयरलाइन्सको विमान आकाशमा ब्ल्याक हक हेलिकप्टरसँग ठोक्किएर पोटोमाक नदीमा खसेको थियो ।

घटनामा विमानमा सवार ६४ जनाको मृत्यु भएको छ ।

बम्बार्डियर कम्पनीको यो सीआरजे ७०० विमान कन्सासबाट वाशिङ्टन डीसी जाँदै थियो । अमेरिकी सञ्चारमाध्यमहरूकाअनुसार टक्करपछि विमान हावामा दुई टुक्रा भई पोटोमाक नदीमा खसेको थियो ।

अमेरिकामा विमान दुर्घटना : सबै ६४ जनाको शव नदीबाट निकालियो

अमेरिकामा विमान दुर्घटना : हवाई ट्राफिक नियन्त्रकको अडिओ सार्वजनिक (भिडिओसहित)