क्यानडा, मेक्सिको र चीनमा बढाइएको कर आजदेखि लागू हुने ट्रम्पको घोषणा

काठमाडौं । अमेरिकी राष्ट्रपति डोनाल्ड ट्रम्पले तीन देशमा बढाइएको आयात कर आज शनिबारदेखि लागू हुने बताएका छन् ।

ट्रम्पले मेक्सिको र क्यानडामा २५-२५ र चीनमा थप १० प्रतिशत आयात कर लगाउने यसअघि नै घोषणा गरेका थिए ।

ट्रम्पले शुक्रबार भनेअनुसार शनिबारदेखि यी तीन देशबाट अमेरिकामा आयात हुने हरेक वस्तुमा अतिरिक्त कर लाग्नेछ । यसले अमेरिकामा महङ्गी बढ्ने सम्भावना छ ।

क्यानडाको तेलमा भने यो कर तत्काल लागू नहुने ट्रम्पले बताएका छन् । अमेरिकाले क्यानडाबाट ठूलो मात्रामा इन्धन आपूर्ति गर्दै आएको छ ।

इन्धनमा फेब्रुअरी १८ बाट यो नियम लागू हुने ह्वाइटहाउसले जनाएको छ ।

राष्ट्रपति ट्रम्पले भविष्यमा युरोपेली सङ्घमा कर लगाउने योजनासमेत रहेको जनाएका छन् ।