के हो बुटक्स ? जान्नुहोस् यसका फाइदा र बेफाइदा

काठमाडौं । छालाका समस्या कम गर्नको लागि ब्यूटीपार्लरमा विभिन्न प्रकारका स्किन केयर उपचार पनि गरिन्छ ।

यी उपचारमध्ये बुटक्स उपचार पनि एक हो । यो उपचार आजकल निकै चलनमा छ । यदि तपाईं पनि बुटक्स गर्ने सोच्दै हुनुहुन्छ भने पहिले यसबारे राम्रोसँग जानकारी लिनुहोस्, त्यसपछि मात्र निर्णय गर्नुहोस् ।

बुटक्स एक यस्तो स्किन केयर उपचार हो, जसले छालाका चाउरी र फाइन लाइन कम गर्न मद्दत गर्छ । यसलाई बोटुलिनम टक्सिन नामक एक न्युरोटक्सिनबाट बनाइएको हुन्छ, जसले नसालाई अस्थायी रूपमा सुन्निन्छ । यसले गर्दा छालामा हुने चाउरीनबाट रोकिन्छ, जसकारण अनुहार जवान देखिन्छ ।

यदि तपाईं बुटक्स उपचार लिने योजना बनाउँदै हुनुहुन्छ भने पहिले कुनै राम्रो डाक्टरको बारेमा जानकारी लिनुहोस् ।

तपाईंको छालालाई कति बुटक्सको आवश्यकता छ त्यो एक राम्रो डाक्टरलाई मात्र थाहा हुन्छ । यसका साथै तपाईंको छालामा बुटक्सले पार्न सक्ने असर र एलर्जीको बारेमा पनि पत्ता लगाउन सक्नेछन् । यी इन्जेक्सन निधारमा, आँखाको वरिपरि, आँखीभौँका बिचमा र अन्य चाउरी भएका ठाउँहरूमा लगाउन सकिन्छ ।

बुटक्स उपचारका फाइदाहरूको कुरा गर्दा यसले अनुहारका फाइन लाइन र चाउरीहरूलाई हटाउन मद्दत गर्छ जसले गर्दा छाला जवान देखिन्छ । यो बुटक्सले तपाईंको छालामा ५–६ महिनासम्म काम गर्छ । यो बिना कुनै ठूलो सर्जरीको सुन्दर र चम्किलो छाला पाउने तरिका हो ।

बुटक्सको बेफाइदा पनि छ । बुटक्स इन्जेक्सनको कारणले केही व्यक्तिहरूले टाउको दुख्ने, सुन्निने, हल्का दुखाइ वा एलर्जीको सामना गर्नुपर्छ ।

धेरै मात्रामा बुटक्स गर्दा अनुहारका एक्स्प्रेसनहरू परिवर्तन हुन सक्छ । अर्थात् यसले गर्दा अनुहार अप्राकृतिक देखिन सक्छ । त्यसैले सधैँ कुनै अनुभवी डाक्टरबाट मात्र बुटक्स गराउनुपर्छ ।

यदि तपाईं चाउरीहरूबाट चिन्तित हुनुहुन्छ र नन–सर्जिकल उपचार चाहनुहुन्छ भने बुटक्स तपाईंको लागि उपयुक्त हुनसक्छ । तर, जबसम्म धेरै आवश्यक हुँदैन यस्ता उपचारहरूबाट टाढै रहनु राम्रो हुन्छ ।