प्रधानमन्त्रीलाई बालेनको चुनौती – हामी दुश्मन होइनौँ, सुशासनका लागि जुध्नु परे तयार छु

काठमाडौं । काठमाडौं महानगरपालिकाका मेयर बालेन्द्र शाहले आफू सुशासनका लागि जे गर्न पनि तयार रहेको बताएका छन् ।

सामाजिक सञ्जालमार्फत शाहले प्रधानमन्त्री केपी शर्मा ओलीलाई चुनौती दिँदै सुशासन कायम गरेरै छोड्ने बताए ।

उनले प्रधानमन्त्री ओलीलाई सम्बोधन गर्दै लेखेका छन्, “हामी तपाईका दुश्मन होइनौँ, विकासका साझेदार हौँ । हामीले गरे जति विकासका सबै काम पनि तपाईकै कार्यकालमा भएका हुन् भनिदिउँला ।”

उनले महानगर र आफूबारे जति भ्रम फैलाए पनि भ्रष्ट कार्यकर्तासँग नझुक्ने बताएका छन् ।

उनले लेखेका छन्, “पुर्वाग्रहबाट मुक्त भएर विकासमा साझेदारी गरि त्यो दाबी गर्न सक्ने ल्याकत बनाउने जिम्मा तपाईकै हो । अनि जति भ्रम फैलाए पनि, हामी तपाईको भ्रष्ट कार्यकर्तासँग झुक्दैनौँ । महानगरलाई जतिसुकै नाकाबन्दी लगाउनुहोस्, नियतमा फरक पर्दैन । अहिलेका लागि देशमा आवश्यक सबै भन्दा ठुलो कुरा सुशासन हो । भ्रष्टहरूविरूद्धको लडाइँ हो ।”

एमाले महासचिव पोखरेललाई बालेनको जवाफ : भ्रमको खेतीमा सरकारले पीएचडी पाउँछ