संसदमा सरकारका प्रतिनिधि नपुगेपछि बैठक स्थगित

काठमाडौं । प्रतिनिधसभाको बुधबारको बैठकमा सरकारका प्रतिनिधि नभएपछि बैठक स्थगित भएको छ । प्रतिनिधसभाको नियमावली अनुसार मन्त्रीको उपस्थिति अनिवार्य हुनुपर्ने भएपनि कोही मन्त्री नआएपछि बैठक  १५ मिनेटका लागि स्थगित भएको हो ।

सरकारका प्रतिनिधि नदेखेपछि माओवादी केन्द्रका प्रमुख सचेतक हितराज पाण्डेले सभामुखको ध्यानाकर्षण गराएका थिए । ‘सरकार सदनलाई हेपिरहेको छ। जनप्रतिनिधिलाई हेपिरहेको छ । हरेक कुरामा हेपिरहेको छ । अभ्यासहरू सरकार मानिरहेको छैन । अहिले सदन सुरू भएको । यतिखेर मन्त्रीहरूको प्रतिनिधि कोही पनि छैनन् । समितिहरूमा बैठकमा जान्छौँ । प्रतिपक्षी दल उपस्थित हुन्छ तर सरकार उपस्थित हुँदैन । मन्त्रीहरू नभएपछि यो बैठक अघि बढ्न सक्दैन,’ उनले भने

उनले ध्यानाकर्षण गराएपछि बैठक १५ मिनेटका लागि स्थगित भएको हो ।