गलत रकम उल्लेख हुँदैमा चेक अनादरको मुद्दा चलाउनु हुँदैन : नारायणकाजी श्रेष्ठ

काठमाडौं । नेकपा माओवादी केन्द्रका उपाध्यक्ष नारायणकाजी श्रेष्ठले चेकमा गलत रकम उल्लेख भएकै आधारमा अनादरको मुद्दा दर्ता गर्न नहुने बताएका छन् ।

बुधवार राष्ट्रियसभाको विधायन व्यवस्थापन समितिको बैठकमा उनले चेकमा गलत रकम उल्लेख भए ३० दिनभित्र सच्याउनुपर्ने कानुनी व्यवस्था रहेकाले अनादरको मुद्दा अघि बढाउन नहुने बताएका हुन् ।

‘चेकमा गलत अमाउन्ट लेखेकै कारणले चेक अनादरमा पर्दैन। चेक अनादर दर्ता हुनलाई ३० दिनको जो समय छ त्यो कुराले काउन्ट गर्छ,’ उनले भने, ‘त्यसकारण गल्ती छ भने त्यो समयमा सँच्चिहाल्छ।’

उपाध्यक्ष श्रेष्ठले चेक अनादरमा जरिवाना गर्ने वा नगर्ने विषयमा कानुनी व्यवस्था भइसकेको बताए।