हल्दिबारी–४ र ५ को जोड्ने सडक धमाधम कालोपत्रे हुँदै

हल्दिबारी, २७ चैत । झापाको हल्दिबारी गाउँपालिकाको वडा नम्बर ४ र ५ को सिमाना जोडने धनुष पोखरीदेखि हल्दीबारी गाउँपालिका कार्यालय हुँदै धाधरपाडासम्म पुग्ने बाटो कालोपत्रे भइरहेको छ ।

बहुवर्षीय योजना अन्तरगतको उक्त सडक कालोपत्रे शुरु गरिएको हो । ११४० मिटर लम्बाई र ५.५ मिटर चौडाई रहेको सो सडक एक करोड ३५ लाखको लागतमा केके आर कन्ट्रक्शन झापाले काम गर्दै गरेको वडाध्यक्ष तथा पूर्वाधार संयोजक सन्तकुमार थापाले जानकारी दिनुभयो ।

मौसमले साथ दिए आज १२ बजेदेखि शुरु गरेर आजै सम्पन्न गरिने साथै मौसमले साथ नदिए बिहीवबार सम्पन्न गर्ने योजना रहेको वडाध्यक्ष थापाले बताउनुभयो । उक्त कालोपत्रे हुँदै गरेको सडकको गाउँपालिका उपाध्यक्ष लक्ष्मीदेवी मैनाली, प्रशासकीय अधिकृत मानबहादुर वन (महेन्द्र), कार्यपालिका सदस्य बिजय राजवंशी, इन्जिनियरसहित प्राविधिकको टोलीले मंगलबार अनुगमन गरेको थियो ।

The post हल्दिबारी–४ र ५ को जोड्ने सडक धमाधम कालोपत्रे हुँदै appeared first on Jhapa Online.