बिर्तामोडमा गाँजासहित दुई भारतीय नागरिक पक्राउ

बिर्तामोड, ३० चैत । झापाको बिर्तामोड नगरपालिका–५ स्थित पूर्व पश्चिम राजमागबाट लागुऔषधसहित दुई जना भारतीय नागरिकलाई प्रहरीले पक्राउ गरेको छ ।

इलाका प्रहरी कार्यालय अनारमनीबाट खटिएको प्रहरी टोलीले काठमाडौंबाट काँकरभिट्टातर्फ जाँदै गरेको प्र ३–००१ ख २८२५ नम्बरको न्यू सृष्टी गोल्ड रात्रिकालीन बसमा सवार भारत बेङ्लोर कनाटाकास इजिपुराका ३७ वर्षीय सनम सेख र सोही नागावारका ५१ वर्षीय इबराहिम केथाड्थ पक्राउ गरेको हो ।

उनीहरु माथि शंका लागेर चेकजाँच गर्दा उनीहरुको २ वटा सुटकेश झोला भित्र खानेकुरा चिप्सको ३६ थान प्याकेट भित्र लुकाई छिपाई राखेको प्रतिबन्धित लागुऔषध गाँजा ५ केजी ५३४ ग्राम र २ वटा डव्वाभित्र रहेको लिसाईलो पदार्थ जस्तो देखिने जेली ८ थान फेला परेको छ ।

उनीहरु दुवै जनालाई नियन्त्रणमा लिएर इलाका प्रहरी कार्यालय अनारमनीमा राखी थप अनुसन्धान भइरहेको जिल्ला प्रहरी कार्यालय झापाले जनाएको छ ।

The post बिर्तामोडमा गाँजासहित दुई भारतीय नागरिक पक्राउ appeared first on Jhapa Online.