रुपन्देहीमा पनि खुल्यो गुरुकुल सिए

काठमाडौँ। चार्टर्ड एकाउण्टेन्सी अध्ययनका लागि आफ्नो छुट्टै पहिचान बनाउन सफल गुरुकुल सिएले रुपन्देहीमा पनि शाखा विस्तार गरेको छ । काठमाडौँ, चितवन लगायतका ठाउँबाट सेवा दिँदै आएको गुरुकुलले रुपन्देहीमा आफ्नो शाखा खोलेको हो ।

मध्य पश्चिमका विद्यार्थीहरुलाई लक्षित गर्दै संचालनमा आएको गुरुकुलले नेपाल बोर्ड र भारतीय बोर्ड अन्तर्गतका सिए कोर्स अध्यापन गर्ने काम गरिरहेको छ ।

दुवै बोर्डका परीक्षामा उत्कृष्ट नतिजा ल्याउन सफल गुरुकुल सिए रुपन्देही शाखाको उद्घाटन संस्थाका प्रमुख सिए मेघराज अर्यालले गरेका छन् ।

योसँगै अब मध्यपश्चिममा रहेका विद्यार्थीहरुलाई सिए पढ्नका लागि काठमाडौं आउनुपर्ने वा भारत जानुपर्ने बाध्यता हटेको छ ।