डेम्बेलेलाई बालोन डि’ओर जिताउने अभियानमा फ्रेन्च समर्थक

पेरिस । फ्रेन्च स्टार उस्मान डेम्बेलेलाई विश्वको सर्वश्रेष्ठ फुटबल खेलाडीको रुपमा मानिने प्रतिष्ठित बालोन डि’ओर अवार्ड जिताउन फ्रान्सले औपचारिक रुपमै प्रचार अभियान सुरु गरेको छ ।

हालै सम्पन्न च्याम्पियन्स लिग फाइनलमा पेरिस सेन्ट–जर्मेन (पीएसजी)ले इटालियन क्लब इन्टर मिलानलाई ५–० गोलको फराकिलो अन्तरले पराजित गर्दै पहिलोपटक उपाधि जितेको थियो, जसमा डेम्बेलेले महत्वपूर्ण भूमिका खेलेका थिए ।

यद्यपि डेम्बेलेले फाइनल खेलमा गोल नगरेपछि एसिस्ट भने गरे । उनले यस सिजनमा निरन्तर उत्कृष्ट प्रदर्शन गर्दै आएका छन् । जसले गर्दा उनलाई अब बैलोन डि’ओरको बलियो दावेदार मानिएको छ । स्पेन तथा बार्सिलोनाका युवा खेलाडी लामिन यमाल पनि यस उपाधिका लागि प्रतिस्पर्धी मानिन्छन् ।

डेम्बेले सोमबार च्याम्पियन्स लिग ट्रफीसहित फ्रान्सको प्रतिष्ठित टेनिस प्रतियोगिता रोलान्ड गारोसको मुख्य कोर्ट फिलिप–शात्रिएमा देखिए । उनले ’ट्रायम्फ’ लेखिएको टिसर्ट लगाएका थिए र घरेलु खेलाडी लोइस बोइसोनको जितपछि उत्साहित भीडबाट ताली पाएका थिए । संयोगवश यसै वर्षको रोलान्ड गारोसको सिंगल्स ड्रमा डेम्बेलेले ‘इनोसेन्ट ह्यान्ड’को भूमिका निभाएका थिए ।

पीएसजीको घरेलु रंगशाला पार्क डे प्रिन्स र रोलाण्ड गारोस टेनिस सेन्टर नजिकै रहेको छ । जहाँ डेम्बेलेको उपस्थितिले अझ विशेष बनाएको फुटबल विश्लेषकहरूको भनाइ छ ।  उनलाई ‘वर्षको उत्कृष्ट फुटबलर’ बनाउने अभियानमा  फ्रान्सेली समर्थकहरूले थप बल दिएको फुटबल पण्डितहरूको विश्लेषण छ ।

पीएसजीले रच्यो नयाँ कीर्तिमान, यी हुन् फराकिलो अन्तरका पाँच फाइनल