कैलालीमा दुई फरार अभियुक्तमाथि गोली प्रहार गरेर पक्राउ

काठमाडौं । कैलालीमा प्रहरीले दुई फरार अभियुक्तमाथि गोली प्रहार गरेर पक्राउ गरेको छ ।

ज्यान मार्ने उद्योगका आरोपित मिलन चन्द र रिदम ढुंगानालाई बिहीबार पक्राउ गरिएको जिल्ला प्रहरी कार्यालय, कैलालीका सूचना अधिकारी डीएसपी राजकुमार सिंहले नेपालभ्युजलाई जानकारी दिए ।

‘खुकुरी प्रहार गरेर ज्यान मार्ने प्रयास गरेको आरोपमा लागेका उनीहरू फरार थिए,’ उनले भने, ‘बिहीबार पक्राउ गर्न सफल भइयो,’ उनले भने, ‘नियन्त्रणमा लिन पहिले हवाइफायर गरियो । त्यति गर्दा पनि उनीहरू फरार भएपछि घुँडामुनि गोली हानेर पक्राउ गरिएको हो ।’

यसअघि पक्राउ परेर ल्याउने क्रममा भजनी गाउँपालिका–७ मा आएपछि पिसाब फेर्ने क्रममा उनीहरू फरार भएको बताइएको छ ।