शिल्पी थिएटरमा ‘डल्ले खोला’ : बग्यो गाउँको मौन आक्रोश (तस्वीरहरु)

काठमाडौं। रङ्गकर्मी  वेदना राईको परिकल्पना तथा निर्देशनमा बनेको नाटक ‘डल्ले खोला’ को बत्तीसपुतली स्थित शिल्पी थिएटरमा जेठ २९ गतेदेखि नियमित मञ्चन सुरु भएको छ।

कथाकार परशु प्रधानको कथा ‘डल्ले खोला’ मा आधारित यो नाटक कक्षा आठको नेपाली विषयमा पनि समावेश छ।

खोटाङ जिल्लाको डल्ले खोला नदीको कथामा आधारित यो नाटकले तत्कालीन पञ्चायती ब्यवस्थामा गाउँका जान्ने र ठान्नेहरुले नदीकै नाममा गरेका भ्रष्टाचारको प्रसंग उठाइएको छ।

एक थिएटर नेपालको पहिलो प्रस्तुति रहेको यो नाटकलाई सौजन सेनेहाङले निर्माण गरेका हुन् ।

नाटकमा उमेश सुनाम, अमित मगर, रञ्जना नेपाली, रचना मगर, रेजिना राई, सोहाङ राई थुलुङ, स्वर्णिम चाम्लिङ, ओसिन गुरुङ, पुष्पाञ्जली तिम्लिङ लिम्बू, रमिता राई, आकाश सुहाङ लिम्बू, अञ्जना थुलुङ राई, नुमा राई, प्रकृति थुलुङ राई, प्रिति चाम्लिङ राई, युगल श्रेष्ठ र सरोज खालिङ राईलगायतका कलाकारहरुको दमदार अभिनय रहेको छ ।

नाटक ‘डल्ले खोला’ को मञ्चन असार १४ गतेसम्म जारी रहनेछ। मंगलबारबाहेक हरेक दिन साँझ ५:१५ बजे र शनिबार दिउँसो १ बजे अतिरिक्त शोसहित नाटक हेर्न सकिनेछ।

हेर्नुस्  तस्वीरहरु-