इजरायलमाथि इरानको जवाफी आक्रमण, १०० भन्दा बढी ड्रोन प्रहार

काठमाडौं । इरानले इजरायलमाथि जवाफी आक्रमण सुरु गरेको छ ।

इजरायल डिफेन्स फोर्सेस (आईडीएफ)का प्रवक्ता ब्रिगेडियर अफी डेफ्रिनले इरानले १०० भन्दा बढी यूएभी ड्रोन प्रहार गरेको जानकारी दिए ।

बीबीसीकाअनुसार उनले इजरायली आक्रमणमा इरानी सेनाका प्रमुख, इरानको इस्लामिक रिभोलुसनरी गार्ड्स कोर्प्स (आईआरजीसी)का कमाण्डर र इरानको आपतकालीन कमाण्डका कमाण्डर मारिएको बताए ।

इरानको सरकारी सञ्चारमाध्यमले पनि इजरायली आक्रमणमा आईआरजीसी प्रमुख हुसेन सलामीको मृत्यु भएको जानकारी दिएको छ।

इजरायलले इरानको आणविक स्थल र सैन्य कमाण्डरहरूमा आक्रमण गरेको दाबी गरेको छ । यसैबीच आक्रमणपछि इजरायलले देशमा आपतकाल घोषणा गरेको छ।

इजरायलले इरानको आणविक कार्यक्रमको मुटुमै हमला गरेको नेतन्याहुको दाबी