अदालतको फरार सूचीमा मिश्र र राणा, जमानी बसेर छुटाउनेलाई उल्टै तिराइयो जरिवाना !

काठमाडौँ । राष्ट्रिय प्रजातन्त्र पार्टी (राप्रपा) का उपाध्यक्ष रविन्द्र मिश्र र सांसद धवलशमशेर राणाविरुद्ध पक्राउ पुर्जी जारी हुने भएको छ । काठमाडौँ जिल्ला अदालतले सम्भवतः आजै उनीहरूविरुद्ध पक्राउ पुर्जी जारी गर्ने तयारी गरेको बुझिएको हो ।

गत चैत १५ गते तिनकुनेमा भएको घटनामा संलग्न रहेको आरोपमा पक्राउ परेर हाजिरी जमानीमा छुटेका उनीहरुलाई अदालतले फरार प्रतिवादीको रूपमा राखेको छ । बयानका क्रममा अदालतमा उपस्थित नभएपछि मिश्र र जबरालाई अदालतले फरार प्रतिवादीको रूपमा राखेको हो ।

फरार प्रतिवादीको हकमा उनीहरुविरुद्द पक्राउ पुर्जी जारी हुने अदालत स्रोतले जनाएको छ ।

हाजिरी जमानीमा छुटेका मिश्र र राणा सम्पर्कविहीन भएपछि अनुसन्धान अधिकृतले उनलाई जिम्मा जमानीमा लिने तीन जना कानुन व्यवसायी र स्वकीय सचिवलाई २५–२५ हजार रुपैयाँ जरिवाना तिराएका थिए ।