माधव नेपाल विशेष अदालतमा उपस्थित, बयान जारी

काठमाडौं । नेकपा एकीकृत समाजवादीका अध्यक्ष माधवकुमार नेपाल विशेष अदालत, काठमाडौंमा उपस्थित भएका छन् ।

पतञ्जली जग्गा हिनामिना प्रकरणमा बयान दिन उनी बुधबार अदालत पुगेका हुन् । अहिले नेपालको बयान चलिरहेको अदालतका सूचना अधिकारी यज्ञराज रेग्मीले जानकारी दिए ।

अख्तियार दुरुपयोग अनुसन्धान आयोगले पतञ्जली जग्गा प्रकरणमा नेपालसहित ९३ जनालाई प्रतिवादी बनाएर विशेष अदालतमा जेठ २२ गते मुद्दा दायर गरेको थियो ।

नेपालविरुद्ध अख्तियारले १८ करोड ५८ लाख ५० हजार रुपैयाँ बिगो जरिवाना र सजाय मागदाबी गरेको छ ।