सर्वोच्चमा प्रस्तावित तीन न्यायाधीश र न्याय परिषद् सदस्यको नाम अनुमोदन

काठमाडौं । संसदीय सुनुवाइ समितिले सर्वोच्च अदालतका प्रस्तावित तीन न्यायाधीश र एक न्याय परिषद् सदस्यको नाम अनुमोदन गरेको छ ।

सुनुवाइ समितिको सोमबार बिहान बसेको बैठकले न्यायपरिषद्‌बाट सिफारिस न्यायाधीशमा प्रस्तावित मेघराज पोखरेल, शान्तिसिंह थापा र श्रीकान्त पौडेल तथा न्याय परिषद् सदस्यमा सिफारिस महेशकुमार नेपालको नाम अनुमोदन गरेको सभापति ईश्वरी न्यौपानेले जानकारी दिइन् ।

यही जेठ २७ गते बसेको न्याय परिषद् बैठकले वरिष्ठ अधिवक्ता पोखरेल, उच्च अदालत जनकपुरका मुख्य न्यायाधीश पौडेल र उच्च अदालत दिपायलका मुख्य न्यायाधीश थापालाई सर्वोच्चको न्यायधीश पदमा नियुक्तिका लागि सिफारिस गरेको थियो ।

सम्बन्धित सामग्री –

न्यायाधीश सिफारिसमा एमालेको असहमति खुल्दै, कांग्रेस कोटाका पोखरेलमाथि प्रश्नवर्षा