झापा गाउँपालिकामा ३४२५ जनाले लिन्छन् सामाजिक सुरक्षा भत्ता
नेत्र बिक्रम बिमलीझापा, २६ बैशाख । झापा गाउँपालिकामा वार्षिक ३४२५ जनाले सामाजिक सुरक्षा भत्ता लिने गरेका छन् । गाउँपालिका प्रमुख प्रशासकीय अधिकृत गजेन्द्र थपलियाले दिनुभएको जानकारी अनुसार चालू आर्थिक बर्ष २०८०र०८१ को चौथो त्रैमासिकसम्म सामाजिक सुरक्षा भत्ता पाउनेको संख्या ३ हजार ४ सय २५ पुगेको छ । यो संख्या दिनप्रतिदिन बढदै गएको छ । नेपाल [...] The post झापा गाउँपालिकामा ३४२५ जनाले लिन्छन् सामाजिक सुरक्षा भत्ता appeared first on Jhapa Online.
नेत्र बिक्रम बिमली
झापा, २६ बैशाख । झापा गाउँपालिकामा वार्षिक ३४२५ जनाले सामाजिक सुरक्षा भत्ता लिने गरेका छन् ।
गाउँपालिका प्रमुख प्रशासकीय अधिकृत गजेन्द्र थपलियाले दिनुभएको जानकारी अनुसार चालू आर्थिक बर्ष २०८०र०८१ को चौथो त्रैमासिकसम्म सामाजिक सुरक्षा भत्ता पाउनेको संख्या ३ हजार ४ सय २५ पुगेको छ । यो संख्या दिनप्रतिदिन बढदै गएको छ ।
नेपाल सरकारले प्रदान गर्ने ८ वटा कलस्टरका १२८२ पुरुष र २१४३ महिलाले सामाजिक सुरक्षा भत्ता प्राप्त गरेका छ्न । झापा गाउँपालिकाका ७ वटा वडाबाट पहिचान गरि पठाएका जेष्ठ नागरिक, जेष्ठ दलीत, एकल महिला, विधवा, पूर्ण अपांगता, अति अशक्त र अपांगता, दलित बालबालिका र लोपोन्मुख समुदायलाई नेपाल सरकारले तोके बमोजिमको सामाजिक सुरक्षा भत्ता पालिकाले प्रत्येक ३र३ महिनामा बैंकमार्फत उनीहरुकै खातामा हालिदिने गरेको प्रमुख प्रशासकीय अधिकृत थपलियाले जानकारी दिनुभयो ।
पालिकाले उपलब्ध गराएको विवरण अनुसार ९१२ पुरुष र ९६२ महिला गरी १८७४ जना जेष्ठ नागरिकले मासिक ४ हजारका दरले जेष्ठ नागरिक भत्ता पाउने गरेका छ्न ।
त्यस्तै, ६० देखि ६८ उमेर समुहका जेष्ठ दलित ५८ पुरुष र ४५ महिला गरी १०३ जनाले मासिक २३६० जेष्ठ दलित भत्ता प्राप्त गर्ने गरेको उपलब्ध विवरणमा जनाइएको छ ।
त्यसैगरी, ३२० जना एकल महिला र ५५४ जना विधवा महिलालाई मासिक २६६० का दरले भत्ता उपलब्ध गराउँदै आएको छ भने १३६ जना पूर्ण अपांगता भएका ७३ पुरुष र ६३ जना महिलाले समेत मासिक ३९९० का दरले अपांगता भत्ता प्राप्त गरिरहेका छ्न् ।
त्यस्तै अति अशक्त अपांगता भएका १२४ पुरुष र ८८ जना महिला गरी २१२ जनाले मासिक २१२८ रुपैयाँ भत्ता प्राप्त गरिरहेको उल्लेख छ ।
त्यसैगरी, दलित बालबालिका ७७ पुरुष र ६५ महिला गरी १४२ जनाले मासिक ५३२ रुपैयाँका दरले भत्ता पाउने गरेका छ्न भने लोपोन्मुख जातिका ३८ पुरुष र ४६ महिला गरि ८४ जनाले मासिक ३९९० रुपैयाँ का दरले सामाजिक सुरक्षा भत्ता लिने गरेको गाउँपालिकाले जनाएको छ ।
त्यस्तै एकल ६० देखि ६७ बर्षका पुरुष र ८४ बर्ष माथिका जेष्ठ नागरिकलाई समेत वाषिर्क ६ हजार रुपैयाँका दरले प्रोत्साहन स्वरुप भत्ता दिँदै आएको छ ।
झापा गाउँपालिकामा मात्र बार्षिक सामाजिक सुरक्षा भत्ता मार्फत ४ करोड ७० लाख भन्दा बढी खर्च हुने गरेको पालिकाले उपलब्ध गराएको विवरणमा उल्लेख छ ।
The post झापा गाउँपालिकामा ३४२५ जनाले लिन्छन् सामाजिक सुरक्षा भत्ता appeared first on Jhapa Online.
What's Your Reaction?
