अच्युतराम भण्डारी संगीत प्रतिष्ठानको २० औ श्रृंखलामा राग मारवा ।
![अच्युतराम भण्डारी संगीत प्रतिष्ठानको २० औ श्रृंखलामा राग मारवा ।](https://hamroglobalmedia.com/uploads/images/202402/image_750x_65dea7c1a6ed7.jpg)
फाल्गुन १६, काठमाडौं । अच्युतराम भण्डारी संगीत प्रतिष्ठानको २० औ श्रृंखलामा कलाकार ,सितार बादक रामकुमार अर्यालबाट राग मारवाको प्रस्तुती गरिएको छ । सो प्रस्तुतीमा कलाकार अर्याललाई तबलामा पअच्युतराम भण्डारी, बाँसुरीमा डा. निरन्जन भण्डारी र तानपुरामा सुमिन खत्रीले संगत गर्नु भएको थियो ।
शास्त्रीय संगीतलाई जीवित राख्न अनवरत सक्रिय यस प्रतिष्ठानले आफनै पहलमा हरेक नेपाली महिनाको १५ गते गौरीघाटस्थित आफनै प्रतिष्ठानमा विगत २० महिना देखि अनवरत शास्त्रीय गायन र सुर बादनमा विभिन्न कलाकारहरुबाट शास्त्रीय संगीतको कार्यक्रमको आयोजना गर्दै आएको छ ।
कार्यक्रममा कार्यक्रमका प्रमुख अतिथी काठमाडौं महानगरपालिकाका सम्पदा तथा पर्यटन विभागका प्रशासन अधिकृत धर्म मुनिकारले कलाकारहरुलाई सम्मानपत्र सहित सम्मान गर्नु भएको थियो ।
राग मारवा मारवा थाटबाट आएको राग हो । यसको आरोह अवरोह दुवैमा पंचम बर्जित भएकाले यसको जाति षाडव —षाडव हो । यस रागमा ऋषभ कोमल र मध्यम तीब्रको प्रयोग हुन्छ । यस रागको गायन बादन समय दिनको अन्तिम प्रहर हो ।
What's Your Reaction?
![like](https://hamroglobalmedia.com/assets/img/reactions/like.png)
![dislike](https://hamroglobalmedia.com/assets/img/reactions/dislike.png)
![love](https://hamroglobalmedia.com/assets/img/reactions/love.png)
![funny](https://hamroglobalmedia.com/assets/img/reactions/funny.png)
![angry](https://hamroglobalmedia.com/assets/img/reactions/angry.png)
![sad](https://hamroglobalmedia.com/assets/img/reactions/sad.png)
![wow](https://hamroglobalmedia.com/assets/img/reactions/wow.png)