अफगानिस्तान: तालिबानले अन्तरिम मन्त्रिपरिषद्मा २७ नयाँ सदस्य थप्यो, कुनै महिलालाई स्थान दिइएन

मौलवी शाहबुद्दीन देलावार खानी तथा पेट्रोलियम तथा मुल्ला मोहम्मद अब्बास अखुन्द विपद् व्यवस्थापन मन्त्री बनेका छन् ।

अफगानिस्तानको विदेशस्थित कूटनीतिक नियोगहरूमा नयाँ राजदूत र अधिकारीहरू तैनाथ गरिने तालिवानले आधिकारिक घोषणामा जनाएको छ। यस बाहेक एउटा महत्वपूर्ण कदम चाल्दै तालिबानले मंगलबार २७ नयाँ सदस्य थपेर आफ्नो अन्तरिम मन्त्रिपरिषद् विस्तार गरेको छ । यी नयाँ मन्त्रिपरिषद्को नयाँ सूचीमा कुनै पनि महिला प्रतिनिधिलाई स्थान दिइएको छैन ।

तालिबान शासन अन्तर्गत इस्लामिक इमिरेट्सका उप प्रवक्ता इनामुल्ला समंगनाइले अफगानिस्तानका अधिकांश कूटनीतिक नियोगहरू हाल सरकारद्वारा नियुक्त पूर्व राजदूतहरूद्वारा सञ्चालित छन्। हामी यस सम्बन्धमा विदेशमा रहेका अफगान दूतावासहरूसँग सम्पर्कमा छौं। चाँडै गतिविधिहरूमा सुधार हुनेछ र पुरानाहरुलाई हटाई नयाँ  प्रतिस्थापन गरिनेछ।

यसैबीच, मङ्गलबारको अन्तरिम मन्त्रिपरिषद् विस्तारमा थपिएका २७ सदस्यका बारेमा सरकारका प्रवक्ता जबिहुल्लाह मुजाहिदले तालिबानका सर्वोच्च नेता मुल्ला हैबतुल्लाह अखुन्दजादाको आदेशको पालना गर्दै यी नियुक्तिहरू गरिएको बताए। सूचीमा मन्त्री र उपमन्त्रीसहित दुई दर्जनभन्दा बढी उच्च तहका पदाधिकारीको नाम समावेश छ ।

दूतावासमा नयाँ नियुक्ति सम्भव छैन : पूर्वराजदूत

विदेशमा अफगानिस्तानको कूटनीतिक नियोगहरूमा नयाँ राजदूत र अधिकारीहरूको नियुक्तिमा, नर्वेका लागि देशका पूर्व राजदूत शुक्रिया बराकजाईले भने कि अन्तर्राष्ट्रिय समुदायले इस्लामिक इमिरेट्सलाई मान्यता नदिँदासम्म कूटनीतिक नियोगहरूमा तालिबानद्वारा नयाँ नियुक्ति सम्भव छैन।

एक राजनीतिक कार्यकर्ता अहमद खान अन्धेरले भने, "यदि (काबुल) ती दूतावासहरूसँग राम्रो राजनीतिक सम्बन्ध छैन भने ती दूतावासहरूले आफ्नो काम राम्ररी गर्न सक्दैनन् किनभने उनीहरूलाई आफ्ना कर्मचारीको तलब र दूतावासको खर्चका लागि बजेट चाहिन्छ।"

अमेरिकाले आइएसका तीन शीर्ष नेतालाई कालोसूचीमा राखेको छ

अमेरिकाले इस्लामिक स्टेट (खोरासान) आईएस–केका तीन शीर्ष कमाण्डरलाई कालोसूचीमा राखेको छ । अमेरिकी विदेश मन्त्रालयले कालोसूचीमा परेका आतङ्कीहरूमा सनाउल्लाह गफारी, सुल्तान अजिज आजम र मौलवी रजब रहेको बताएको छ । अफगानिस्तान अन्तर्राष्ट्रिय आतंकवादको मञ्च नबनोस् भनेर अमेरिकाले तीनै जनालाई विशेष रूपमा तोकिएको विश्वव्यापी आतंकवादीको सूचीमा राखेको छ।

IS-K गुटमा शाहब अल-मुहाजिर भनेर चिनिने गफारीलाई २०२० मा गुटको कमाण्ड दिइएको थियो। अजिज आजम IS-K का प्रवक्ता हुन् भने मौलवी रजब काबुलमा समूहका शीर्ष नेता हुन् जसले प्रान्तमा आक्रमणको आदेश दिन्छन्। कालोसूचीमा परेपछि यी तीन आतंकवादीले अमेरिकामा कुनै पनि प्रकारको लेनदेन गर्न सक्ने छैनन् ।