श्रीलंकाली नागरिकको निर्मम हत्या: घटना इस्लाम निन्दा संग सम्बन्धित रहेको बताइएको छ 

पाकिस्तानको सियालकोटमा शुक्रबार एक श्रीलंकाली नागरिकको भीडले हत्या गर्यो र उनलाई भीडले त्यहीँ सबैको अगाडी जलाइएको थियो । यस घटनाको अन्तर्राष्ट्रिय स्तरमा पाकिस्तानको आलोचना भइरहेको छ । अन्य देशको कुरा छाड्नुहोस्, आफ्नै देशका जनताले यो घटनालाई निन्दनीय र लज्जास्पद भनेका छन् । पाकिस्तानका राष्ट्रपतिदेखि प्रधानमन्त्री इमरान खानले पनि घटनाको निन्दा गरेका छन् ।

घटना किन भयो कसरी भयो भन्दा पनि मुख्य प्रश्न यस्ता अनेकौं घटनाहरु किन इस्लामिक कट्टरता वादीहरु बाट हुने गर्दछ ? यसको मुख्य दोषी को हुन सक्दछ वा के को कारणले आतंकी सोच भएका व्यक्तिहरूलाई यस्तो निर्मम हत्या गर्ने प्रेरणा दिदछ, त्यो पनि बिना पश्चताप ? 

कुनैपनि बालक  अथवा बालिकाको  जब जन्म हुन्छ  तब  कसैले पनि यस्तो आतंकी सोच  लिएर पक्कै पनि आएका हुँदैनन । पक्कैपनि यो समाजमा दिइने शिक्षामा  विश्व समाजले अवलोकन गर्नै  पर्दछ । मानवको पहिलो धर्म  सेवा हो, तर यसतो अकल्पनीय घटनाहरुले मानव सभ्यतालाई नै शर्मसार गरेको पाइन्छ।

पाकिस्तानमा मारिएका श्रीलंकाली नागरिक (प्रियन्था कुमारा) यहाँको एउटा कारखानामा म्यानेजरका रूपमा काम गरिरहेका थिए । यो मामिला घटना इस्लाम निन्दासँग सम्बन्धित रहेको पनि बताइएको छ । यस प्रकरणमा हालसम्म १०० जनाभन्दा बढी पक्राउ परेका छन् । पाकिस्तानका प्रधानमन्त्रीले यस घटनामा संलग्नलाई कसैलाई पनि नछोड्ने बताएका छन् ।

उनले अनुसन्धान जारी रहेको बताए र यसमा संलग्न सबैलाई कानुन बमोजिम कडा भन्दा कडा कारबाही गरिनेछ । अर्कोतर्फ, श्रीलंकाका युवा मन्त्री नमल राजपाक्षेले पाकिस्तानमा अतिवादी भीडद्वारा प्रियंता दियावदनाको क्रूर हत्या बुझ्न नसकिने बताए। यद्यपि, मलाई प्रधानमन्त्री इमरानको वाचामा विश्वास छ जसले जिम्मेवारहरूलाई न्यायको कठघरामा ल्याउने वाचा गरेका छन्।