अदालतमा रविले भने- न्याय पाउँछु, ओली सरकार रहिरहने हो भने जनताले धेरै दु:ख पाउँछन्
रविलाई म्याद थपका लागि आज अदालत पुर्याइएको हो । सहकारी ठगी प्रकरणमा उनी गत कात्तिक २ गते काठमाडौंमा पक्राउ परेका हुन् ।
पोखरा । प्रहरी नियन्त्रणमा रहेका राष्ट्रिय स्वतन्त्र पार्टी (रास्वपा) सभापति रवि लामिछानेले ओली सरकार रहँदासम्म जनताले दु:ख पाउने बताएका छन् ।
आइतबार जिल्ला अदालत, कास्कीमा पत्रकारहरूसँग कुराकानी गर्दै उनले यस्तो बताएका हुन् ।
आफूलाई अदालतबाट न्याय मिल्नेमा विश्वस्त रहेको उल्लेख गर्दै उनले भने, “मलाई न्यायालयप्रति एकदमै धेरै विश्वास छ तर, केपी शर्मा ओली सरकार रहिरहने हो भने जनताले धेरै दु:ख पाउँछन् । यो सरकार रहँदासम्म झुटा मुद्दामा मान्छेलाई फसाउने काम गरिरहन्छ,” उनले भने ।
उनले आफूलाई झुटा मुद्दामा सरकारले फसाएको दाबी गरेका छन् ।
रविले छानबिन गर्ने हो भने सबैभन्दा बढी भ्रष्टाचार गर्ने व्यक्ति प्रधानमन्त्री केपी शर्मा ओली नै ठहरिने दाबी गरे । “मलाई जस्तो डेढ वर्ष लगाएर केपी शर्मा ओलीलाई छानबिन गर्ने हो भने सबैभन्दा बढी भ्रष्टाचारको जगमा उभिएको मानिस केपी ओली हो,” उनले भने ।
रविलाई म्याद थपका लागि आज अदालत पुर्याइएको हो । सहकारी ठगी प्रकरणमा उनी गत कात्तिक २ गते काठमाडौंमा पक्राउ परेका हुन् ।
- सम्बन्धित समाचार
What's Your Reaction?