पाल्पामा दुईवटा ट्रक ठोक्किँदा चालकको ज्यान गयो

काठमाडौं । पाल्पाको रम्भा गाउँपालिका ३ अगाहखोलामा एउटा ट्रकले अर्को ट्रकलाई ठक्कर दिँदा एक जनाको ज्यान गएको छ ।

बुटवलबाट पोखरा जाँदै गरेको लु१ख ९३५१ नम्बरको ट्रकले गए राति करिब ११ बजे ना१क ७१२१ नम्बरको ट्रकलाई पछाडिबाट ठक्कर दिँदा ९३५१ नम्बरको ट्रक चालकको मृत्यु भएको हो ।

मृत्यु हुनेमा रम्भा गाउँपालिका ३ बस्ने २३ वर्षीय भुवन सिंह राना रहेको प्रहरीले जाएको छ । ट्रकका सहचालक स्याङ्जाको वालिङ नगरपालिका १० बस्ने २१ वर्षीय सन्जित खवास थापाको हातमा चोट लागेको छ ।

उनको अवस्था सामान्य छ । ब्रेक फेल भएर दुर्घटना भएको हुनसक्ने प्रारम्भिक अनुमान गरिएको छ ।