परोपकार गोल्डकपको उपाधि ज्योति स्पोर्टिङ क्लबलाई

रोशन काफ्ले
माईजोगमाई, २० कात्तिक । माईजोगमाई–५ सिरिसे माविको खेल मैदानमा गत कार्तिक ९ गतेबाट जारी दोस्रो सामुदायिक परोपकार गोल्डकपको उपाधी ज्योती स्पोर्टिङ क्लबले जितेको छ ।

फाइनलमा सुनौलो फुटबल क्लब माईजोगमाई ४ लाई ६-२ गोल अन्तरले पराजित गर्दै ज्योती स्पोर्टिङ क्लबले उपाधी उचालेको हो । पहिलो हाफ ३ गोल गरेको ज्योतिले दोस्रो हाफ थप ३ गोल गर्यो भने सुनौलो फुटबल क्लबले पहिलो हाफ १ गोल गर्यो भने दोस्रो हाफमा थप १ गोल गर्यो । यता दोस्रो हाफ दबाबमा राखेको ज्योतिले थप ३ गोल गर्यो । ज्योतिको तर्फबाट टिम कप्तान जुयल राईले २ , सचिन राईले १ र लभकुश राईले ह्याट्रीक गरे ।

उपाधी जिते सगै ज्योती स्पोर्टिङ क्लबले नदग रु एकसट्ठी हजार एक सय एकसट्ठी , आकर्षक ट्रफी , मेडल र प्रमाणपत्र प्राप्त गर्यो भने उपविजेता बनेको सुनौलो फुटबल क्लबले नगद रु एकचालीस हजार एक सय एकचालीस , ट्रफी , मेडल र प्रमाणपत्रमा चित्त बुझायो । उदयीमान खेलाडी सुनौलो फुटबलका बेनुप देवान , उत्कृष्ट डिफेन्स ज्योतिका सागर न्यौपाने , उत्कृष्ट गोल रक्षक ज्योतिका रोजन राई , म्यान अफ त म्याच ज्योतिका लबकुश राई र सर्वाधिक गोल कर्ता ज्योतिका जुयल राई घोषित भए ।

The post परोपकार गोल्डकपको उपाधि ज्योति स्पोर्टिङ क्लबलाई appeared first on Jhapa Online.