क्यानडाको विद्यार्थीको कलेज शुल्क भराइदिन्छु भनी ठगी गर्ने पक्राउ

काठमाडौं । अध्ययनको सिलसिलामा क्यानडामा रहेको छोराको कलेज शुल्क तिर्नको लागि ह्वाटएपमार्फत् सम्पर्क गरी ठग्ने व्यक्ति पक्राउ परेका छन् ।

अध्ययनको सिलसिलामा क्यानडामा रहेको बताउने मनिष परियारलाई फोन गरेर क्यानडामा रहेको आफ्नो साथी गोकर्ण पराजुलीले कलेज शुल्क बुझाइदिने भनी सम्पर्क गराई ८,१७,०००।– रकम पठाउन लगाए ठग्ने व्यक्ति काठमाडौंबाट पक्राउ परेका हुन् ।

क्यानडामा रहेको दाबी गर्ने उनी नेपालमै थिए । ठगी गर्ने कार्यमा संलग्न रहेको जिल्ला सिन्धुपाल्चोक बलेफी ८ घर भई हाल भक्तपुर बस्ने दुर्गा प्रसाद पराजुलीको छोरा बर्ष ४३ को गोकर्ण पराजुली छन् ।

ठगी सम्बन्धी कसुरमा आवश्यक कारबाहीको लागी जिल्ला प्रहरी परिसर भद्रकाली पठाइएको काठमाडौं उपत्यका अपराध अनुसन्धान कार्यालयले जनाएको छ ।