सिन्धुलीमा प्रधानाध्यापकमाथी गोली प्रहार

काठमाडौं ।  बकैया गाउँपालिका–३  बुद्ध माध्यमिक विद्यालयका प्रधानाध्यापक  प्रेमबहादुर बोम्जनमाथि गोली प्रहार भएको छ ।  ३ जना अपरिचित व्यक्तिले बागमती गाउँपालिका–१ का प्रधानाध्यापक बोम्जनमाथी हरिहरपुरगढी गाउँपालिका–६ स्थित हप्सेमा  गोली प्रहार गरेको प्रहरीले जनाएको छ ।

जिल्ला प्रहरी कार्यालय सिन्धुलीका अनुसार मकवानपुरबाट प्रदेश २–००३–००६ प ८४५४ नम्बरको मोटरसाइकलमा सिन्धुलीतर्फ जाँदै गरेको अवस्थामा बोम्जनमाथि गोली प्रहार भएको हो ।

३ जनाको समूहमा आएका व्यक्तिले मोटरसाइकलमा सवार उनलाई रोकी छोटो हतियार (कट्टा) प्रहार गरेको प्रहरी नायव उपरीक्षक अनिल कुमार खड्काले जानकारी दिए ।

प्रहरीका अनुसार  गोली प्रहारबाट घाइते  बोम्जनलाई सर्लाहीस्थित मोडल अस्पतालमा सामान्य उपचार गरी थप उपचारका लागि वीरगन्जको वयोधा अस्पताल पठाइएको छ ।

बोम्जनसँगै सवार उनका भाइ दिल बहादुर बोम्जन भने सकुशल रहेको प्रहरीले बताएको छ ।

गोली प्रहार गरेसँगै  फरार रहेका समूहको खोजीकार्य भइरहेको बताइएको छ ।