‘लिग लिडर’ बार्सिलोना सोसिडाडसँग स्तब्ध

काठमाडौं । स्पेनिस ला लिगा फुटबलको लिग लिडर बार्सिलोना रियल सोसिडाडसँग स्तब्ध बनेको छ ।

आइतबार राति भएको खेलमा बार्सिलोना सोसिडाडसँग १–० गोलअन्तरले पराजित भएको हो ।

सेराल्डो बेकरले खेलको ३३ औँ मिनेटमा गरेको गोल नै घरेलु टोली सोसिडाडको जितमा पर्याप्त बन्यो । जारी लिगमा बार्सिलोनाको यो दोस्रो पराजय हो ।

यस पराजयपछि पनि लिगको शीर्ष स्थानमा रहेको बार्सिलोना दोस्रो स्थानको रियल म्याड्रिडभन्दा ३ अंकले अगाडि छ ।

बार्सिलोनाको १३ खेलबाट ३३ अंक छ । एक खेल कम खेलेको रियलको २७ अंक छ ।

सोसिडाड भने १८ अंकका साथ लिगको आठौँ स्थानमा छ ।